Kryetari i Fushë Kosovës Burim Berisha: Faktor më ndotës është trafiku se sa KEK-u, gjatë 24 orëve nëpër qytetin tonë kalojnë rreth 60 mijë vetura

Më të rejat, Të flasim për ajrin

Disa forma që do të ndikojnë në zvogëlimin e ndotjës së mjedisit sidmos pjesës urbane, parkingjet, rreth rrotullimet, vendosja e semaforave si dhembjellja e drunjëve dekorativ 

Për ta bërë Fushë Kosovën më të gjelbër është që të ketë më shumë gjelbërim, thotë kryetari I Fushë Kosiovë. Sipas tij vetë fjala gjelbërim është të ketë më shumë mbjellje të drunjëve, të ketë më shumë ujë, te ketë më shumë parqe, vende ku do të ketë më shumë oksigjen. Kjo ështe ajo që pretendohet dhe po punojmë ngapak për të arritur këtë qëllim.

“Në aspektin e përgjithshëm gjeografik të komunes tonë kemi disa hapësira me disa lloje të pishave dhe të drunjëve siç është kodra e Goleshit dhe Ligatina e Hencit. Janë disa lumenjë siç është Sitnica, Drenica , po Graçanka dhe Prishtevka.

Krejt këto e bëjnë një laramani të gjelbër Fushë Kosovën, ndërsa zona urbane, qyteti është krejt diçka tjetër i cili nuk ka hapësira si në Kanada apo si në Australi, hapësira e parqe pa kufij. Ne jemi në një pozitë ku për një kilometër katror jemi ndër qytetet më të para në Kosovë për nga dendësia”.

Berisha thotë se sikur të mbahej vitin e kaluar regjistrimi i popullësisë do të diheshin parametrat dhe faktorët për të ndërtuar një të ardhme dhjetë vjeçare . Në mungesë të regjistrimit të popullësisë ndikon shumë negativisht në punën tone për të bërë më shumë gjelbërim, por kjo është edhe për shkak të buxhetit dhe për arsye të tjera, thotë kryetari i Fushë Kosovës.

“Pra përveç këtyre faktorëve që mund të ndikojnë pozitivisht  në ambient në mjedisin e komunës si tërësi e jo vetëm për zonën urbane janë edhe disa faktor negativ që ndikojnë siç është rasti në fshatin Bardhi madh. Aty ka patur djegie të vazhdueshme të qymyrit që fatmirsisht tash ka filluar të mbulohet, pastaj janë ujërat e zeza që vijnë nga Prishtina përmes lumit Prishtevka, lumit të Graçankës, kalojnë nëpër Sitnicë dhe Drenicë ku kundërmojnë dhe shkaktojnë shumë probleme mjedisore.

Pastaj mos të flasim për KEK-un ku e prek një pjesë të komunës tonë dhe herë pas here e ka prekë edhe Feronikeli mjedisin e Fushë Kosovës. E kemi patur një gurëthyes dhe përmes një vendimi e kemi ndaluar”.

Në pyetjen e BB Green se a është hartuar plan komunal për veprim mjedisiorë që ulin faktorët ndotës, kryetari Berisha tha se faktorët tjerë ndotës kemi edhe plotë  të tjerë, faktorë ndotës është trafiku , është një prej faktorët kyç ndotës në komunën e Fushë Kosovës që për shembull nuk e ka  Obiliqi por ne si komunë po. Faktori ndotës më i fuqishëm  është trafiku se sa KEK-u, sepse gjatë 24 orëve nëpër komunën tonë, nëpër qytetin tonë kalojnë diku rreth 60 mijë vetura.

“Ne jemi para përfundimit të planit të mobilitetit edhe të trafikut dhe ndotësve tjerë ku janë bërë matjet dhe do ta kemi së shpejti ndër seancat e para  për ta miratuar ku është punuar prej dy vitesh në këtë projekt.

Me këtë projekt kemi disa zgjidhje, por të  trafikut dihet zgjidhjen e bënë  niveli qëndror siç është vjetërsia e veturave , cilësia e naftës  etj”, thotë kryetari Berisha.

Ndërsa sa i përket zgjidhjeve të mundshme z.Berisha tha se janë disa forma që do të ndikojnë në zgjidhjen, zvogëlimin e ndotjës së mjedisit sidmos pjesës urbane “një prej formave është pjesa e parkingjeve që veturat do të mund të parkohen shumë më shpejt, pastaj janë rreth rrotullimet dhe vendosja e semaforave dhe sinjalistika tjetër horizentale dhe vertikale të cilat po ashtu do të ndikojnë në zvogëlimin e ndotjës, mbjellja e drunjëve dekorativ  edhe  pse kemi mbjell buzë rrugëve kryesore dhe rrugwve të tjera po ne do të vazhdojmw tw mbjellim edhe më tutje”.

Si një prej formave është mbjellja e drunjëve nepër gjithë teritorin e Fushë Kosovës. Ne si komunë pas luftës kemi mbjell mbi një million drunjë të cilët veç kanë disa metra gjatësi siç janë kryesisht pishë dhe bagrem. Do të vazhdojmë edhe më tutje t’i mbjellim këto dy lloj drunjësh nëpër territorin e Fushë Kosovës, thotë kryetari Berisha.

“Roli i bagremit është si njëri prej drunjëve më të qëndrueshëm, është dru i cili rritet shumë lehtë, ne kemi eksprimentuar në kodrën e Goleshit dhe ka treguar sukses bagremi. Bagremi është i dobishëm edhe për bletari, është shumë i përdorshëm në industrin e drurit dhe si dru sa herë ta prenë zhvillohet edhe më shumë, është një prej drunjëve që unë për vete e admiroj shumë”./BBGreenKosova

Leave a Reply