Apple premton të eliminojë plotësisht karbonin deri më 2030
“Po japim një premtim të madh për brezat e ardhshëm për të bërë gjithçka që mundemi për të mbrojtur planetin që ne të gjithë ndajmë. Është premtim që synojmë ta mbajmë, ka thënë drejtori i kompanisë Tim Cook
Apple ka bërë të ditura parashikimet për të eliminuar karbonin nga e gjithë veprimtaria e saj, përfshirë edhe zinxhirët e furnizimit deri në vitin 2030.
Kompania thotë se pajisjet e saj do të kenë zero impakt në klimën e planetit. Në 10 vitet e ardhshme tërë linja e prodhimit të Apple do të jetë 100% e rinovueshme.
“Po japim një premtim të madh për brezat e ardhshëm për të bërë gjithçka që mundemi për të mbrojtur planetin që ne të gjithë ndajmë. Është premtim që synojmë ta mbajmë, ka thënë drejtori i kompanisë”, Tim Cook.
Deklarata e kompanisë vjen pasi shumë gjigantë teknologjie kanë zbuluar ambiciet e tyre në këtë drejtim. Microsoft ka shkuar më larg duke premtuar zero-karbon deri në 2023-ën dhe deri më 2050 të eliminojë të njëjtën sasi karboni që ka emëtuar që nga themelimi.
Amazon ka vënë objektiv vitin 2040 për ta bërë këtë gjë. Edhe Google është treguar ambicioz por nuk ka dhënë një afat.
Në axhendën e 10-vjeçare të Apple kompania do të ndërtojë një robot quajtur Dave që do të rikuperojë materiale nga pajisjet me motorin e vibrimit Taptic. Ky komponent përdoret për të ofruar dridhje në orët inteligjente, tabletët, smartfonët dhe laptopët.
70 produkte ekzistuese të kompanisë do të jenë 100% materiale të riciklueshme deri më 2030./bbgreenkosova
Burimi: smart-energy
Foto: Needpix