Mbi 13 % e popullsisë nuk ka fare qasje në shërbime të ujësjellësit publik

Më të rejat

Burim kryesor i ujërave në Kosovë janë të reshurat atmosferike

Foto:

Sipas ASK-së në vitin 2019 gjithsej numri i ditëve me të reshura atmoferike ishte 125, që janë 25 ditë më pak se në vitin 2018 ( ishin 150 ditë). Ndërsa, reshjet mesatare në vit ishin 692.40 mm/vit në vitin 2019, krahasuar me 782.10 mm/vit në vitin 2018.

Të dhënat e dala nga ky publikim tregojnë se në vitin 2018 rreth 86.31% e popullsisë së Kosovës është furnizuar më ujë të pijes nëpërmjet sistemeve publike, të menaxhuara nga Kompanitë Rajonale të Ujit. Ndërsa, 13.69% e popullsisë nuk ka pasur qasje fare në shërbime të ujësjellësit publik.

Furnizimi me ujë të pijshëm i ekonomive familjare ka pësuar ndryshime nga viti në vit. Krahasuar vitin 2017 (që ishte 49.194 milionë m³ ujë) me vitin 2018 (48.300 milionë m³ ujë), furnizimi me ujë të pijshëm ka pasur një rënie të lehtë prej (-2%).

Foto: medicalnewstoday.com

Sasia ujit të shpenzuar m³ për banor nga ekonomitë familjare të kyqyra në sistemin publik, në vitin 2018 ishte: 2.60 m³ në muaj dhe 0.09 m³ në ditë. Kurse llogaritur në litra ishte: 86.67 litra/ditë për banor.

Ndërkaq, uji i shpenzuar për ujitje me sistem në bujqësi, në vitin 2019 ishte 52.60 milionë m³/vit. Ndërsa, sasia e ujit të përdorur për ujitje në bujqësi nga puset për vitin 2019 ishte 18.44 milionë m³/vit.

Ndërsa sa I përket motit, temparaturat maksimale/minimale të ajrit në Prishtinë ishin 31.6°C/-6°C në vitin 2019, krahasuar me 29.8°C/-3.0°C në vitin 2018.  

Ky publikim ofron të dhëna statistikore gjithëpërfshirëse të burimeve të ujërave në Kosovë dhe synon të kontribuojë në krijimin e një informacioni të qëndrueshëm mbi gjendjen  e ujërave në Kosovë. Realizimi i këtij publikimi bëhet çdo dy vjet./ASK/BBGreenKosova

Leave a Reply