Meteorologu Rugova: Atmosfera, gazi që mbështjell planetin tonë nuk njeh kufij politik

Më të rejat, Të flasim për ajrin

Ndryshimet klimatike ndikojnë edhe në rritjën e ndotjës dhe në rritjen e temparaturave si në rastin e Kosovës

sa herë ulen temperaturat gjatë dimrit e kuptojmë edhe më shumë se ndotja e ajrit ka lidhshmëri edhe me kushtet e motit. Këtë fakt e mbështet meteorologu Mendim Rugova i cili është bërë pjesë e fushatës “Le të flasim për ajrin”.

Rugoa thotë se faktor kyç në rritjën e ndotjës së ajrit është edhe faktori meteorologjik dhe patjetër që ndërlidhet moti me cilësinë e ajrit  sidmos gjatë periudhës dimërore ku po ndodh ndotja më e madhe.

“Faktori i motit është një ndër faktorët kryesor që ndoshta ndikon në ndotje ngase në këtë periudhë të dimrit dhe amvisëritë përdorin më shumë  lënd djegëse për ngrohje pasi nuk ka alternativa të tjera”, thotë ai.

Sipas Rugovës si faktor ndotës janë edhe veturat në qytet dhe kjo natyrisht  vetëm sa ndikon në rritjën e kësaj ndotje.Një tjetër element që e forcon ndotjen është edhe paraqitja e fushave anticiklonike, fushat e presionit të lartë që  vijnë përmbi rajonin tonë e që janë të shpeshta gjatë periudhës dimërore, këto e mbajnë të bllokuar ndotjën e ajrit përreth viseve të ulëta, thotë për BB Green Kosova meteorologu Mendim Rugova.

“Natyrisht në periudha kur ka ciklone më të shpesha, kur është moti më dinamik  mund të ketë përmirësime të ajrit. Zakonisht nga  viti në vit po  ndryshon. Vitin e kaluar kemi pasë një vit më dinamik, të reshura më të mëdha gjatë muajit janar ndotja ka qenë më e vogël”, thotë ai.

Ndër të tjera Rugova thotë se në stacionet në Prishtinë ditë me tejkalime kanë qenë me 4 dhe 5 janar dhe në dhjetor, gjithashtu. Ndërkaq këtë vit vetëm në muajin janar janë  12 ditë me tejkalime.

Ndërsa sa i përket ndotjës ndërkufitare apo rajonale dhe se si ndotet ajri, Rugova thotë se: “Atmosfera, gazi që mbështjell planetin tonë nuk njeh kufij politik dhe natyrisht  masat ajërore gjatë rrugëtimit mund të marrin ndotës prej pjesëve tjera nga shtetet në rajon. Por edhe një tjetër ngjarje interesante janë pluhurat e shkretëtirës të cilat për shkak të afërsisë që i kemi, shkretëtira e Saharasë por edhe e Azisë qëndrore mund të depërtojnë deri te vendi ynë  ku e rrisin nivelin e ndotjës, dhe kjo zakonisht mundet të ndodhë gjatë stinës së Pranverës dhe Vjeshtës”, tha për BB Green Rugova.

Sipas meteorologut Rugova edhe në vitin 2022  kanë ndodhur disa episode të derpërtimit të pluhurit Saharjan dhe disa raste nga Azia qëndrore ku rritja e ndotjës ishte dyfish ndoshta më e lartë se nga ndotja që e kemi nga ndotësit lokal. Ai thotë se ndotja prej shkretëtirave në disa raste mundet të jetë më e lartë në ditët me tejkalime që ndodhin gjatë vitit, pra mund t’i rrisin ditët e ndotjës.

Me ndryshimet klimatike  mund të jetë ndotja edhe më e madhe sipas Rugovës i cili shton se tashmë  temperaturat janë në rritje e sipër në mbarë planetin e sidomos në Kosovë.

“Nga viti 2007 kemi një rritje të temperaturave që deri tani kanë arritur vlerat deri në 1.4 gradë Celsius, vlera më të larta nga vlerat mesatare. Kjo do të thotë se mund të jenë periudhat më të gjata të thatësirave në muajt më të ngrohtë gjatë verës”. 

Sipas Rugovës  viti 2007 mori kthesë rritja e tempraturave në vendin tonë. Sipas tij kishim edhe djegiet masive të pyjeve nëpër rajon dhe kjo ka ndikuar në rritjen e ndotësve. Në këto raste ndryshimet klimatike kanë mundur të paraqesin probleme, thatësira të zgjatura dhe djegiet e pyjeve dhe këto edhe më shumë rrisin ndotjën, thotë Rugova./BB Green

Leave a Reply