Mënyrat se si algat e detit e përmirësojnë mjedisin

Bimët, Më të rejat

Ndërsa lajmet shpesh përmendin gjërat e tmerrshme në det, siç janë plastika dhe plehrat e tjera, oqeanet gjithashtu mbajnë një burim jashtëzakonisht të vlefshëm: algat e detit.

Ky organizëm lehtësisht i korrshëm përdoret për çdo gjë, nga ushqimi deri tek trajtimet në banjë, e deri te një ilaç i mundshëm COVID-19. Kjo bimë gjendet në përbërje të shumë produkteve të zakonshme, duke përfshirë ngjyrat, pastën e dhëmbëve, akulloren dhe birrën.

Njerëzit mbledhin alga deti të egra por edhe të kultivuara nga fermat e algave të detit. Në ditët e sotme, sipas Organizatës së Ushqimit dhe Bujqësisë, 96% e prodhimit global të algave të detit vjen nga fermat në vend të grumbullimit të egër.

Këto ferma detare të algave e përmirësojnë shëndetin e detit, sipas zbulimeve të studiuesve kinezë në një botim të vitit 2019.

Përveç mbajtjes së shëndetshme të oqeaneve, algat e detit gjithashtu ndihmojnë fermerët tokësorë. Kur përdoret si pleh, alga ndihmon fermerët të shmangin përdorimin e afër 30,000 ton plehrave kimike.

Alga e detit gjithashtu thith një sasi të madhe të CO2 dhe lëshon ​​më shumë se një milion tonë metrikë oksigjen. Si një filtër natyror, alga e detit ndihmon në largimin e ndotësvetë rrezikshëm nga mjedisi

Shkencëtarët vazhdojnë të kërkojnë më shumë përfitime shëndetësore nga algat e detit. Instituti Politeknik i Rensselaer në New York ka hulumtuar duke përdorur ekstrakt të algës së detit për të trajtuar COVID-19.

Përveç këtyre, alga e detit gjithashtu mund të rrisë përdorimin e biomasës si energji e rinovueshme. Në vitin 2015, energjia e rrjedhur nga biomasa nga algat e detit përbënte rreth 5% të përdorimit të energjisë amerikane. Energjia e biomasës përfshin energjinë bimore dhe shtazore, të tilla si mbeturinat e bimëve ushqimore, bujqësia e kafshëve dhe mbetjet e drurit.

Deri më tani, alga si karburant biologjik ka fituar pak interes tregtar. Por kjo industri ka një potencial mjaft të madh. /bbgreenkosova./

Burimi: Inhabitat.com

Leave a Reply