Qeveria ndalon ndërtimin e hidrocentraleve

Ndalohen deri në një shqyrtim më të gjerë për politikat e deritanishme

Ministri në detyrë i Infrastrukturës dhe Ambientit, Lumir Abdixhiku, ka thënë se sot gjatë ditës do të merret vendim për ndalimin e ndërtimeve në burimet ujore, shkruan koha.net.

“Qeveria nuk ka lejuar dhe nuk do të lejojë asnjë licencë për asnjë hidrocentral, jo në këtë periudhë por pa u bërë një shqyrtim më i gjerë për politikat e deritanishme. Në këtë fazë ka një masë që po përgatitet për të ndaluar të gjitha punimet në burimet e ujit meqenëse uji është esencial për mirëmbajtjen e pastërtisë. Gjatë ditës së sotme do të merret vendim me institucionet për të ndaluar ndërtimet në burimet ujore”, ka thënë ai.

Ai në një vizitë bashkë me ministra tjerë dhe kryeministrin në detyrë, Albin Kurti në komunën e Ferizajt, ka thënë se Qeveria nuk ka lejuar dhe nuk do të lejojë asnjë licencë për asnjë hidrocentral./BBGreenKosova