Trajtim i problemit të plastikës në Evropë

Produktet plastike të biodegradueshme dhe të bazuara bio po promovohen gjithnjë e më shumë si një zgjidhje e gjelbër, por sa miqësore me mjedisin janë ato?

Një njoftim i Agjencisë Evropiane të Mjedisit (EEA) i lëshuar sot thotë se etiketimi më i qartë dhe ndërgjegjësimi më i mirë i publikut do të përmirësojnë asgjësimin korrekt të këtyre plastikave në mënyrë që ato të mos bëjnë më shumë dëm sesa dobi.

Shumica e plastikave që ne përdorim sot vazhdojnë të krijohen nga lëndët djegëse fosile në një proces që kontribuon në rritjen e emetimeve të gazeve serrë nga prodhimi i tyre, përdorimi i tyre, deri në asgjësimin e tyre. Normat e riciklimit gjithashtu mbeten të ulëta dhe plastika vazhdon të përbëjë një kërcënim për mjedisin tonë përmes hedhjes së mbeturinave, administrimit të papërshtatshëm të mbetjeve dhe konsumimit të produkteve që kontribuojnë në ndotjen mikroplastike në mjedis.

Në vazhdimin e kërkesës në rritje të popullatës, një numër prodhuesish kanë prodhuar plastikë që konsiderohet e bazuar në bio, plastikë që dekompozohet ose plastikë e biodegradueshme. Sidoqoftë, pjesa e tregut për këto lloje të plastikës është vetëm rreth 1%.

Plastikat e biodegradueshme supozohet se zvogëlojnë problemin e ndotjes që paraqitet nga plastika, megjithatë, ato ende duhet të hidhen çdo ku në natyrë, dhe kjo është një pikë e rëndësishme që shpesh nuk kuptohet mirë nga konsumatorët.

Këto lloje të plastikës mund të ofrojnë përfitime të konsiderueshme mjedisore nëse ato zhvillohen për situata dhe aplikime specifike, dhe asgjësohen në mënyrë korrekte. Sidoqoftë, plastika të tilla janë larg ofrimit të një zgjidhjeje të pavarur për sfidat me të cilat përballemi me plastikat.

Përmirësime të mëtejshme në përdorimin dhe asgjësimin e kësaj plastike do të ndihmonte në përdorimin më efektiv pasi tregu për produkte të tilla ka të ngjarë të rritet në vitet në vijim. Bashkimi Evropian po punon përmes Marrëveshjes së Gjelbër Evropiane, që të gjitha plastikat duhet të riciklohen në plastika të reja. /bbgreenkosova./

Burimi: eea.europa.eu