Për 23 vjet, Toka ka humbur 28 trilionë tonë akull

Midis viteve 1994 dhe 2017, shkencëtarët britanikë kanë analizuar pamjet satelitore të akullnajave, maleve dhe pllakave të akullit, duke konkluduar se Toka ka humbur sasinë e pabesueshme prej 28 trilionë tonelatash akulli gjatë asaj periudhe.

Shkencëtarët nga universitetet në Leeds, Londër dhe Edinburg e quajnë një humbje të tillë akulli të pabesueshme dhe mendojnë se kjo mund të rezultojë në një ngritje dramatike të nivelit të detit, ndoshta edhe me një metër deri në fund të shekullit.

Rezultatet e studimit u botuan në revistën Cryosphere Discussions.

“Ta themi këtë në kontekst – çdo centimetër e ngritjes së nivelit të detit do të thotë që në një të ardhme të parashikueshme një milion njerëz do të shpërngulen nga shtëpitë e tyre në lartësi të ulëta”, tha profesori Andy Shepherd nga Universiteti i Leedsit.

Humbja dramatike e akullit mund të ketë pasoja të tjera, përfshirë çrregullime në shëndetin biologjik të ujërave të Arktikut dhe Antarktikut dhe një zvogëlim të aftësisë së planetit për të reflektuar rrezatimin diellor përsëri në hapësirë.

Rezultatet britanike korrespondojnë me skenarin më të keq të Panelit Ndërqeveritar të KB për Ndryshimet Klimatike (IPCC).

“Shkencëtarët kanë studiuar më parë zona të caktuara ku akulli po shkrihet, të tilla si Antarktida ose Grenlanda, por kjo është hera e parë që dikush ka studiuar shkrirjen globale të akullit që zhduket nga planeti ynë,” tha Shepherd për Guardian. “Dhe ajo që ne zbuluam na befasoi”.

“Nuk ka të ngjarë që shumica e 28 trilionë tonelatave akulli të humbur të jetë rezultat i drejtpërdrejtë i ngrohjes së klimës,” tha ai./bbgreenkosova

Burimi: The Guardian
Foto: Pixabay