Temperaturë rekorde është matur në Luginën e Vdekjes

Rekordi i temperaturës prej 54.4 gradë Celsius është matur në Luginën e Vdekjes në Kaliforni, e cila sigurisht është temperatura më e lartë që nga viti 1913, kur u bënë matjet me termometër zhivë, raportoi BBC.

Kjo temperaturë rekord e lartë u mat të dielën në Luginën e Vdekjes në Kaliforni, ku janë temperaturat më të larta në planet. Një rekord i mëparshëm prej 54 gradësh në Tokë u mat në 2013, gjithashtu në Luginën e Vdekjes.

Në Luginën e Vdekjes në vitin 1913 është shënuar temperatura 56.6 gradë, por ekspertët modernë besojnë se ka ndodhur një gabim, siç ka ndodhur edhe me disa matje të tjera atë verë.

Zyrtarët përkufizojnë nxehtësinë ekstreme si një periudhë prej dy deri tre ditësh të temperaturave të larta dhe lagështisë së ajrit, me temperatura mbi 32 gradë Celsius.

Qendrat e SHBA-së për Kontrollin dhe Parandalimin e Sëmundjeve (CDC) deklarojnë se valët e nxehtësisë vranë mesatarisht më shumë njerëz sesa kushtet e tjera ekstreme të motit. /bbgreenkosova

Burimi: BBC
Foto: Getty Images