Dita Ndërkombëtare e Pyjeve: Pyjet për Ushqim

Pyjet kontribuojnë drejtpërdrejt në dietën e banorëve të tyre dhe të shumë njerëzve që jetojnë larg tyre. Frutat, arrat dhe manaferrat e pyjeve, për shembull, janë të preferuara si nga konsumatorët urbanë ashtu edhe nga ata ruralë. Këto dhe shumë ushqime të tjera pyjore shtojnë shumëllojshmëri dhe shije në dieta, duke siguruar gjithashtu vitamina, minerale, yndyrna dhe proteina thelbësore

Sllatinë – Ditën e premte te Parku i Pishave në Sllatinë duke filluar në ora 11:00 mbahet Dita Ndërkombëtare e Pyjeve për të shënuar një prej ditëve më ndërgjegjësuese që kur u shpallë si ditë botërore në vititn 2012.

Sivjet Dita Ndërkombëtare të Pyjeve, shënohet me temën “Pyjet dhe ushqimi,” ku theksohet roli kyç që pyjet kanë në sigurinë ushqimore, ushqyerjen dhe jetesën. Pyjet ofrojnë ushqim, dru zjarri, të ardhura dhe mbrojnë biodiversitetin, duke ndihmuar gjithashtu pjellorinë e tokës dhe burimet ujore. Ato janë jetike për komunitetet që varen nga pyjet dhe ndihmojnë në zbutjen e ndryshimeve klimatike duke ruajtur karbonin.

Në vendin tone kjo ngjarje do të mbledhë përfaqësues nga Organizata për Ushqim dhe Bujqësi e Kombeve të Bashkuara (FAO) – ekipi në Kosovë, Ministria e Bujqësisë, Pylltarisë dhe Zhvillimit Rural, , Bashkimi Evropian në Kosovë, Ambasada e Suedisë në Prishtinë, ndërmarrës lokalë, sportistë profesionistë, personalitete televizive dhe përfaqësues të shoqatave të grave. Në përputhje me temën “Pyjet dhe Ushqimi,” do të prezantohen produkte ushqimore të bazuara në pyje nga gratë ndërmarrëse.

Ngjarja do të moderohet nga gazetarjaBehare Bajraktari në një bashkëbisedim me folësit

• Z. Fato Peci, Ministër MBPZHR
• Z. Naser Krasniqi, FAO Kosovë – LTL
• Znj. Krenare Salihu, WWF Adria
• Z. Fehmi Ferati, Sipërmarrës/showmen
• Z. Drion Hajrizi, Basketbollist
• Z. Resul Sinani, Moderator televiziv

Ky aktivitete  organizohet në kuadër të programit “Mbështetje për fuqizimin e menaxhimit të qëndrueshëm dhe shumëqëllimor të pyjeve për të përmirësuar jetesën në vendet rurale dhe për të adresuar ndryshimin klimatik në Kosovë” financuar nga Bashkimi Evropian dhe Suedia dhe zbatuar nga Organizata për Ushqim dhe Bujqësi e Kombeve të Bashkuara – FAO.

Në vitin 2021 Asambleja e Përgjithshme e Kombeve të Bashkuara shpalli 21 Marsin si Ditë Ndërkombëtare të Pyjeve në vitin për të festuar dhe rritur ndërgjegjësimin mbi rëndësinë e të gjitha llojeve të pyjeve. Në këtë ditë, vendet e ndryshme inkurajohen të organizojnë aktivitete lokale, kombëtare dhe ndërkombëtare, si fushata mbjelljeje dhe aktivitete ndërgjegjësuese për publikun.

Ky aktivitet, bashkëorganizohet me FAO-n dhe OJQ BB Green Kosova.

Detajet e Eventit:

Kur: 21 Mars, 2025, 11:00 AM
Ku: Parku Pyjor – Sllatinë/Slatina Link

Lokacioni: Vendi i rinisë (te bunkeri )