Natyralisti Attenborough aktivizohet në Instagram për të ndihmuar ‘`botën në telashe’
Profili menaxhohet nga producentët e filmit të tij të fundit “Një jetë në planetin tonë”, i cili do të mbërrijë në kinema javën e ardhshme.
Prezantuesi i famshëm televiziv dhe natyralist David Attenborough hapi profilin e tij në Instagram të enjten, duke thënë se ka vendosur të përdorë këtë rrjet social për të ndihmuar “botën në telashe”.
“Vendosa të bëj këtë hap dhe të eksploroj një formë të re të komunikimit sepse, siç e dimë të gjithë, bota është në telashe”, tha Attenborough, 94 vjeç, në videon e tij të parë të botuar.
“Kontinentet po digjen, akullnajat janë duke u shkrirë, shkëmbinjtë nënujorë të koraleve po vdesin, peshqit po zhduken nga oqeanet tona. Kjo listë vazhdon,” shtoi ai.
“Por, ne e dimë se çfarë duhet bërë në lidhje me këtë. Në javët e ardhshme, unë do të postoj mesazhe për të shpjeguar se cilat janë problemet dhe si mund t’i zgjidhim ato,” shtoi ai.
Attenborough ka fituar gati një milion ndjekës në vetëm disa orë.
Profili drejtohet nga producentët e filmit të tij të fundit “Jeta në planetin tonë”, i cili del në kinema javën e ardhshme./bbgreenkosova
Burimi: Hina
Foto: AFP